[🔴en direct] mwarimu karasira abaye igitambo kubera kuvugisha ukuri. tumwigireho iki?

16/08/2020
6
0
0

Audio no disponible. Inténtalo más tarde.

Preparando audio para descarga.

Escucha patrocinada. El audio empezará en pocos segundos...

Escucha sin anuncios y sin esperas con iVoox Premium

Pruébalo Gratis

Descripción de [🔴en direct] mwarimu karasira abaye igitambo kubera kuvugisha ukuri. tumwigireho iki?

Iryavuzwe riratashye, Mwarimu Karasira yirukanwe n'umunyamahanga mu mukino w'amatiku y'agatsiko, ashinjwa ibyaha bihabanye n'itegeko nshinga u Rwanda rugenderaho, ry'uko buri munyarwanda wese afite uburenganzira bwo gutanga ibitekerezo bye mu bwisanzure. Mwarimu Aimable Karasira, azahora ari mwarimu w'ibihe byose, kuko yatwigishije ko no mu bihe bikomeye nk'ibyo ari gucamo, nta cyaruta " Ukuri" kabone niyo yabizira. Uko kuri kwabaye imbonekarimwe mu Rwanda rwa FPR inkotanyi, niko azize, mu ibaruwa imwirukana ku kazi yandikiwe na Prof Philippe Cotton umushinja byinshi birimo kuba yarakoresheje imvugo zitavugwaho rumwe mu gihugu cy'u Rwanda.

Si mwarimu Karasira wibasiwe gusa, kuko hari n'amashyaka y'abatavuga rumwe na Leta yugarujwe. Iyo Leta iri gukora ibishoboka byose ngo irebe ko yayambika icyasha cy'iterabwoba, aho gushyira imbere umwuka w'ibiganiro.

Mu bindi turi burebere hamwe umukino wa OMS n'u Rwanda ukomeje, aho bigaragara noneho ko Leta igiye gukomeza gukamura abanyarwanda ibakuramo na duke bari basigaranye, mu kubagurisha udupfukamunwa, no kubaca amafaranga y'umurengera mu kwipimisha Covid-19.

Ingaruka mbi zituruka mu igenamigambi ry'amafuti ryahaye rugari gutanga service zikirengagiza ubuhinzi n'ubworozi zirimo zirigaragara izuba riva, hagati aho u Rwanda rwo rukabizinzikiranya, nubwo utatwika inzu ngo uhishe umwotsi. nyamara mu baturanyi bo kugeza magingo aya bahagaze neza.

Umuyobozi wa SDGC mu Rwanda aribasiwe bikomeye, Dr Belay Begashaw yaba azira iki? turaza kubyunguranaho ibitekerezo igihe nikidukundira.

Muratumiwe mwese.